SIPATAHOENAN – Ketua Umum Paguyuban Pasundan, Prof. Dr. H.M. Didi Turmudzi., M.Si., Salasa (28/10/2025), ngistrenan Pangurus Paguyuban Pasundan (PP) masa bhakti 2025-2030, di Aula Lante 6, Paguyuban Pasundan mareng jeung mieling Sumpah Pemuda.
Dina eusi biantarana, Didi, miharep, pangurus bisa leuwih ngaronjatkeun pancen gawena. “Pangurus nu anyar leuwih mampu ngawangun komunikasi antara PB jeung cabang, ngawangun komunikasi dua arah, pangurus jeung anggota kudu silih pikawanoh,” pokna.
Lebah dieu, ceuk Didi, sakumna anggota jeung pangurus, salilana kudu inget kana suluk Paguyuban Pasundan. “Katara ayana, karasa mangfaatna, eta kudu jadi cecekelan,” pokna.
Dina eta kasempetan, Didi nu kungsi cepeng kalungguhan Dekan FKIP Pasundan jeung rektor Unpas teh, nganuhunkeun kana pangabakti pangurus nu heubeul.
“Simkuring ngaapresiasi pangabakti pangurus heubeul, jeung salilana sakumna seuweu Pasundan kudu ngajaga kahirupan organisasi. Jabatan dina organisasi lain ukuran kamulyaan, saenyana hiji amanah nu kudu dijalankeun dumasar kataqwaan,” pokna nu terus nyebutkeun manusa nu mulya teh nu loba amalna.
Pangurus PP diistrenan dumasar Surat Kaputusan Ketua Umum PB Paguyuban Pasundan, Nomor : 01/PTS.PB.PP/C/10/2025. Wincikan pangurus inti: Ketua Umum Prof. Dr. H.M Didi Turmudzi, Sekretaris Jenderal Prof. Dr. H.M. Budiana, M.Si, Bendahara, Prof. Dr. Ir. Yudi Garnida, MS. Ketua Widang Organisasi jeung Pengkaderan, Dr.Kunkunrat, M.Si, Sekretaris, Subaryo, S.Pd., M.Pd; Ketua Bidang Agama, Dr. H. Makbul Mansyur, M.Si, Sekretaris, Dr.H. Rasman Sonjaya, S. Sos., M. Si.; Ketua Bidang Ekonomi, Prof. Dr. H. Dedi Hadian, M.M., Sekretaris, Prof. Dr. Ida Hindarsah, S.Sos. Ketua Widang Pendidikan Tinggi, Dr. Cece Suryana, SH., M.M., Sekretaris, Dr. Dudung Juhana, M.M; Ketua Bidang Pendidikan Dasar dan Menengah, Prof. Dr. H. Dadang Mulyana, M.Si, Sekretaris, Dr. Ir. Iyus Rustandi, M. Si; Ketua Widang Koperasi, Dr. H. Mustapa Djamaludin, M.Si, Sekretaris, Prof. Dr. Hj. Erni Ernawan, M.M. Ketua Widang Budaya, Prof. Dr. Ade Priangani, M.Si, Sekretaris, Dr. Abah Ruskawan, M.M.; Ketua Widang Lingkungan Hidup, Prof. Dr. Bambang Heru, Sekretaris, Prof. Dr. Yonik Meilawati, ST; Ketua Widang Penelitian dan Pengembangan, Prof. Dr. Ali Anwar, M. Si, Sekretaris, Prof. Dr. Yaya Mulyana, M.Si. Ketua Widang Pembinaan dan Pengembangan UMKM, Prof. Dr. Ir. Asep Dedi Sutrisno, Sekretaris, Prof. Dr. Ir. Yusman Taufik, M.P. Ketua Widang Hukum, Prof. Dr. Anthon F. Susanto, SH., M. Hum, Sekretaris, Dr. H. Saim Aksinuddia, SH. Ketua Widang Olahraga, Dr. Soma Gantika, M. Si, Sekretaris, Dr. Agus Djumaedi, M.Si. Ketua Widang Pemberdayaan Perempuan dan Kesehatan Masyarakat, Dr. dr. Hj. Alma Lucyati, M. Kes., M.Si, Sekretaris, Dr. Mira Rosana Gnagey, M.Pd.
Ketua Widang Humas dan Protokoler, Dr. H. Deden Ramdan, M.Si, Sekretaris, Drs. H. Dadang Bainur Lian ti eta, aya pangurus Departemen Bidang Organisasi jeung Pengkaderan, Departemen Agama, Departemen Ekonomi, Departemen Pendidikan Tinggi, Departemen Pendidikan Dasar dan Menengah, Departemen Lingkungan Hidup, Departemen Koperasi. Departemen Budaya, Departemen Penelitian dan Pengembangan, Departemen Pembinaan dan Pengembangan UMKM, Departemen Hukum, Departemen Olahraga, Departemen Pemberdayaan Perempuan dan Kesehatan Masyarakat jeung Departemen Humas & Protokoler. ***
